Bu həm brend markalar,  həm onların keyfiyyətli surətləri, həm də müxtəlif forma və rənglərdə, adi, çox da baha olmayan saatlar ola bilər. 

Bu aksessuarı seçərkən ilk növbədə yaşınıza və fəaliyyət sahənizə diqqət yetirməlisiniz.

Biznes-ledinin saatı onu fərqləndirməlidir, müəyyən sosial dairələrə yol açmalıdır. Bu dairələr,təəccüblü olsa belə, tərəfdaşlarını ilk öncə geyiminə görə qarşılayırlar.

Dəbli xanımın hər bir geyimə uyğunlaşdıra biləcəyi saata ehtiyacı var. Dəblə ayaqlaşmağı sevən xanımlar ən son dizayner yeniliklərinə diqqət yetirsə yaxşıdır. Qiymətli və qlamur aksessuar sevənlərə isə azqiymətli və qiymətli daşlarla bəzədilmiş saatlar yaraşar. Aktiv həyat tərzi keçirən xanımlara və gənc qızlara massiv ya idman üslubunda, nəbz ölçən və digər əlavə, maraqlı funksiyaları olan saatlar uyğundur.

Saat seçərkən mütləq əlin ölçüsünə və formasına diqqət yetirmək lazımdır. Nazik zərif əllərə daha çox ensiz dəri kəməri, və ya lent və zəncir formasında kəməri olan saatlar yaraşır. Enli biləklərə isə massiv, lakin çox da gözəçarpmayan, enli kəməri olan saatlar yaraşır. Əgər barmaqlarınız gözəl və uzundursa, bilərzik formasında olan dizayner saatları əlinizdə daha harmonik görünəcək.

Qeyd: Təmtəraqlı mərasimlərdə saat taxmamaq daha məqsədəuyğun olardı. Etiketə görə ziyafət geyimi ilə saat taxmaq zövqsüzlüyün əlamətidir. Belə məclislərdə digər aksessuarlardan istifadə etsəz daha yaxşı olardı.