Əlbəttə müasir avtomobil istehsalçıları avtomobilləri standart təhlükəsizlik vasitələri ilə təchiz edərək, sürücülərin və sərnişinlərin təhlükəsizliyini qoruyurlar. Lakin qəza zamanı böyüklərin həyatını xilas edən yastıqlar və kəmərlər uşaqlara nəinki uyğun deyil, hətta onlar üçün təhlükəlidir. Bunun üçün də körpə dünyaya gəldiyi zaman mütləq avtokreslo almaq lazımdır. Statistikaya əsasən, bütün dünyada valideynlər körpələri üçün avtokreslo almaq imkanını əldə etdikdən sonra, avtomobil qəzaları zamanı uşaq ölümlərinin sayı üç dəfə azalıb!

Uşaq üçün avtokreslo alarkən bilmək lazımdır ki, uşaqların çəkisi və yaşından asılı olaraq avtokreslolar bu qruplara bölünür:

0 qrupa bir yaşa qədər uşaqlar üçün nəzərdə tutulan avtokreslolar daxildir (uşağın çəkisi 10 kiloqrama qədər). Bu qrupa avtobeşiklər daxildir. Onlar avtomobilin arxa oturacağına təhlükəsizlik kəməri və yaxud Isofix sistemi ilə quraşdırılır. Avtobeşiklər əsasən universal kolyaskaların şassisinə quraşdırılır. 
 
0+ qrupu bir yaş altı aylıq uşaqlar üçün yaradılıb (uşağın çəkisi 13 kiloqrama qədər). Bu qrupa özünüzlə gəzdirə biləcəyiniz avtokreslolar daxildir. Onlar avtomobildə hərəkət istiqamətinin əksinə quraşdırılır. Həmçinin siz bu avtokresloları beşik kimi də istifadə edə bilərsiniz. 
 
1 qrupuna bir yaşadan dörd yaşa qədər uşaqlar üçün nəzərdə tutulan avtokreslolar daxildir (uşağın çəkisi 9-18 kiloqram). Bu qrupdan olan avtokreslo seçərkən nəzərə alın ki, onu ancaq avtomobilin arxa oturacağına və üzü hərəkət istiqamətinə quraşdırmaq olar. Üstünlüyü ondan ibarətdir ki, oturacağın bel hissəsini tənzimləmək olar, bu da uzun məsafəli səyahətlər üçün əlverişlidir.  
 
2 qrupuna üç yaşadan yeddi yaşa qədər uşaqlar üçün nəzərdə tutulan avtokreslolar daxildir (uşağın çəkisi 15-25 kiloqram). Bu kateqoriyadan olan avtokresloların xüsusiyyətləri ondan ibarətdir ki, təhlükəsizlik kəmərlərinin geniş tənzimləmə diapazonu və oturacağın bel hissəsini çıxartmaq imkanı var ki, bu da avtokreslonu uşaq böyüdükcə tənzimləmək imkanı yaradır. 

3 qrup avtokreslolar altı yaşadan doqquz yaşa qədər uşaqlar üçündür (uşağın çəkisi 22-36 kiloqram). Avtokreslo-buster adlanan bu qurğu övladınızı aynanın hündürlüyü səviyyəsində saxlayır və uşağın komfortlu əyləşməsinə imkan yaradır. 
 
Avtokresloların çoxu universaldır və bir neçə qrup üçün nəzərdə tutulub. Avtokreslo seçərkən yəqin diqqət yetimisiniz ki, uşaq üçün 1/2 və hətta 1/2/3 qrupları var. 

Bu modellər avtokreslolnu uşaq böyüyənə qədər istifadə etməyə imkan verir. Təhlükəsiz avtokreslo seçmək istəyirsinizsə, siz yalnız qiymət və markanı nəzərə almalı deyilsiniz, həmçinin Isofix sistemli qurğunun, tənzimlənən boyun hissəsinin, yumşaq yastıqçaların və yan qoruma sisteminin olub olmadığına diqqət yetirməlisiniz.

Uşaq üçün avtokresloları Bakıda və bütün Azərbaycan sakinləri usel.az internet dükanımızdan ala bilərlər.  Bizim məsləhətçilərimiz sizin övladınız üçün ən gözəl avtokreslo seçməkdə yardımçı olacaqlar: Isofix sistemi ilə olan və yaxud standart təhlükəsizlik kəmərləri ilə quraşdırılan avtokreslolar, Bakı və bütün Azərbaycana olan çatdırılma ilə.